Walay epekto sa imbestigasyon sa ICI ang kagamay sa pondo sa komisyon karong tuiga.
Matud pa ni ICI Executive Director Brian Keith Hosaka nga ang ₱41 milyon nga pondo alang karong tuiga igo lamang gayud gamiton sa komisyon alang sa sweldo sa mga empleyado ug uban pang galastuhan niini.
Dugang pa ni Atty. Hosaka, batan-on pa kaayo ang ICI diin kahinumduman nga naporma kini niadtong Septyembre 11 ug tungod niini delay ang budget ngadto sa komisyon.
Apan mibiya na sa katungdanan si kanhing Commissioner Rogelio “Babes” Singson, tungod sa problema niini sa iyang panglawas. Gibutyag usab ni Atty Hosaka nga lisod ang adlaw adlaw nga trabaho sa ICI ilabina sa pag-imbestiga sa mga anomalya sa flood control projects sa nasud.
Dugang pa ni Atty. Hosaka nga gipaningkamutan sa komisyon nga mapanubag ang mga tawong nagpaluyo sa korapsyon ug nadungog niini ang hangyo sa katawhan.