Gibakwit na ang pipila ka mga pamilya ngadto sa evacuation center ilabi na kadtong duol sa suba sa Barangay Sumalsag, Malitbog, Bukidnon tungod sa kusog nga pag-ulan ug pagbulhog sa tubig sa Malitbog River
Sa eksklusibong pakighinabi sa Bombo Radyo Malaybalay kang Decton Pagtalunon, usa sa mga rescue responder sa MDRRMO Malitbog, iyang gipadayag nga anaa sa yellow warning level ang Malitbog River karong panahona. Gisiguro sa ilang buhatan ang kaluwasan sa mga residente nga naapektuhan sa maong kahimtang.
Samtang gipatuman ang mga preventive measures sa Brgy. Sumalsag, diin gi-report usab nga nahawan na ang dalan sa Barangay Santa Ines human natumba ang pipila ka kahoy nga mibabag sa kalsada.
Matod ni Pagtalunon, pwede na maagihan ang maong dalan karong panahona. Ang MDRRMO padayon sa pagbantay sa kahimtang sa panahon ug nag-awhag sa mga residente nga magmatngon aron malikayan ang disgrasya.