Gisiguro ni Ombudsman Jesus Crispin Remulla nga dili kini magpadala sa bisan unsang impluwensya sa imbestigasyon kabahin sa flood control scandal.
Sa usa ka exclusive nga interbyu sa Bombo Radyo, gisulti ni Remulla nga adunay pipila ka higala niini nga lakip sa mga giakusahan ang miduol kaniya, apan mas bug-at alang kaniya ang kaayohan sa nasud tandi sa personal nga relasyon busa gibalibaran niya kini.
Kahinumdoman nga una nang mitawag kaniya si kanhi House Speaker Ferdinand Martin Romualdez aron magpasabot sa isyu sa budget insertions.
Bisan pa niana, giinsistir sa Ombudsman nga nakatutok lang sila sa tumong sa pagsusi ug magpasakaan og kaso ang bisan kinsa nga mapamatud-ang nalambigit sa korapsyon.
Gawas kang Romualdez, aduna matud pay uban nga misulay og duol ug makig-istorya kaniya. Sumala ni Remulla, ang uban kanila kay personal niyang kaila, paryente sa iyang higala, o kasaligan sa iyang mga kaila.
Gipasalig usab niini nga ang ebidensya lamang ang basihanan sa ilang aksyon, dili ang bisan unsang hangyo o pleho sa mga personalidad.