Pinakamubo nga Water Buffalo, makit-an sa India

Opisyal nga giila sa Guinness World Records ang usa ka water buffalo nga ginganlan og “Radha” isip pinakamubo nga water buffalo.

Ang tulo ka tuig nga hayop gikan sa Maharashtra dunay gitas-on nga 2 feet ug 8 inches lamang.

Dako kaayo ang kalainan niini kumpara sa kasagarang gitas-on sa ilang matang nga kasagaran muabot og 5 hangtod 6 feet.

Sumala sa tag-iya nga si Trimbak Borate, plano nilang iapil sa mga international exhibitions ang Murrah hybrid nga si Radha tungod sa talagsaon kaayo niining kagamay nga siguradong makadani ug makalingaw sa mga tawo.