Gidomina sa Philippine Women’s National Football Team ang Cambodia sa iskor nga 6-0 sa ilang duwa sa 2026 AFC Women’s Asian Cup qualifiers.
Tungod niini, anaa sa unang puwesto ang Filipinas sa Group G human nila mapilde ang Saudi Arabia niadtong miaging adlaw sa iskor nga 3-0.
Nakapuntos si Alexa Pino sa una nga goal sulod sa 18 minutos sa dula, ug usa ka minuto ang milabay, nakadugang usab og laing goal si Meryll Serrano.
Mipuntos usab si Serrano sa ika-36 minuto nga pagdula, ug sa dili pa natapos ang first half nakapasulod usab si Sofia Wunsch og lucky break goal.
Bisan pa man sa ilang 4-0 nga labaw sa halftime, nagpabilin nga alerto ug determinado ang Filipinas batok sa host country.
Sa ika-56 nga minuto sa dula, mi iskor si Chandler McDaniel dugang nga goal alang sa grupo.
Musunod nga makontra sa Filipinas ang Hongkong karong umaabot nga Hulyo 5 2025.