PH Men’s football team, gipildi ang Timor Leste sa iskor nga 4-1

Gipildi sa Philippine men’s football team ang Team Timor Leste sa iskor nga 4-1 sa AFC Asian Cup Qualifiers nga gipahigayon sa Darwin, Australia.

Nahimong sentro sa dula si Bjorn Kristensen sa nasakmit nga kadaugan sa Pilipinas, pinaagi sa pag-iskor og duha ka goals sa first half.

Pagsulod sa second half, nakaiskor si Kristensen og laing duha pa ka goals nga nagkumpleto sa double brace niini.

Ang Timor Leste nagsilbi nga home team apan wala kini kaugalingong home field nga kuwalipikado alang sa AFC, hinungdan nga gihimo ang dula sa Australia.

Sa kadaugan, ang Pilipinas maoy nagkupot sa bintaha sa Group A sa ikatulong hugna nga kwalipikasyon sa torneyo nga adunay pito ka puntos, duha ka daog ug usa ka tabla.