Nagpahimangno si US Secretary of Defense Pete Hegseth sa tibuok Asia-Pacific ug sa tibook kalibutan kabahin sa hulga sa China sa paggamit sa military force niini para utrohon ang balanse sa Indo-Pacific.
Gibutyag kini ni hegseth atoll sa pakigpulong sa Shangri-La Dialogue, ang tinuig nga security forum nga gipahigayon sa Singapore. Matod ni Hegseth, adlaw-adlaw nga nagsasanay ang mga sundalo sa People’s Liberation Army (PLA) alang sa posibleng aksyong militar batok sa Taiwan.
Giingon pa niya nga si Chinese President Xi Jinping misugo sa ilang kasundalohan nga mag-andam nga masakop ang Taiwan sa tuig 2027. Bisan pa niini, misaad si US President Donald Trump nga dili niya pasagdan nga makuha sa China ang Taiwan, ilawom sa iyang liderato.
Gidasig usab ni Hegseth ang mga kaalyado ug partner nga mga nasud sa rehiyon nga maghiusa batok sa agresyon sa China, ilabi na sa isyu sa Taiwan ug uban pang mga panagbangi sa rehiyon sama sa South China Sea, diin gipadayon sa China ang ilang pagpamugos sa nga mu angkon og teretoryo.
Gi-awhag sab sa Pentagon chief ang mga nasud sa Asya nga patas-an ang ilang budget sa depensa, sama sa gibuhat sa mga miyembro sa North Atlantic Treaty Organization (NATO) nga misaka sa 5% sa gross domestic product (GDP) ang ilang paggasto sa militar.