Gipasabot ni Atty. Oscar Moreno, usa ka law professor ug corporate lawyer, ang interpretasyon sa Commission on Audit (COA) findings nga may kalambigitan sa mga expenditures sa Office of the Vice President (OVP).
Giklaro ni Atty. Moreno, nga kung ang COA mopagawas og “unmodified” o “unqualified opinion”, nagpasabot kini nga hapsay ug walay nakita nga sayop o irregularidad ang COA sa pag-gasto sa pondo sumala sa auditing standards niini.
Base sa pakighinabi sa Bombo Radyo Malaybalay kang Atty. Moreno, nga ang resulta sa COA nga unmodified opinion alang sa OVP ni bise Presidente Duterte, nga walay anomalya sa paggamit sa pondo apan wala kini kalambigitan sa confidential fund.
Subay niini, gibutyag sa Abogado, nga ang confidential funds wala sa OVP mahitungod sa tuig 2022 zero ang pondo sa opisina sa bise Presidente ug ang 125 milyones gipangayo ug gihatag gikan sa opisina ni Presidente Ferdinand Marcos Jr..
Gipanghingusgan ni Moreno, kini ang posibleng hinungdan nga dili ganahan ang Presidente nga padayunon ang impeachment sa bise Presidente mahitungod madamay siya.
Subay niini, gikwestyon ni Moreno kung asa nagkuha ang Presidente sa 125 milyones nga gihatag sa OVP ug importanteng masayran asa gigasto ug giunsa pag-gasto sa bise Presidente ang maong kantidad.