Mga ka-bombo ug ka-star nations! Naa ba moy gipaabot nga parcel? Nakaabot na ba? Gumuikan nakurat ang usa ka tindero sa Libya human kalit miabot ang iyang parcel nga gi-order niini diin kapin 16 ka tuig na ang milabay.
Sumala sa mga report, dugay nang nag-atubang ang Libya og kalisod sa batakang serbisyo sulod sa kapin 15 ka tuig tungod sa giyera sibil, hinungdan nga ang order sa tindero niadtong 2010 karon pa lamanng na-deliver.
Sa pag-unbox sa maong parcel, nahimuot ang tindero tungod sa karaan na kaayo nga cellphone, nga iyang gihulagway nga halayo na kaayo kumpara sa modernong teknolohiya karon.
Tungod sa iyang gipaambit nga kasinatian, mibaha ang nagkalain-laing reaksyon sa social media, diin daghan ang namalandong sa epekto sa dugay nga kagubot sa nasud sa adlaw-adlaw nga kinabuhi sa ordinaryong katawhan.