Panimalay sa singer nga si Rihanna sa Beverly Hills, gipaulanan og bala

Giimbestigahan na karon sa Los Angeles Police Department (LAPD) ang nahitabong pagpamusil sa panimalay sa sikat nga singer nga si Rihanna didto sa Beverly Hills.

Matud pa sa report, nakadawat og tawag ang mga otoridad human gipaulanan og bala ang maong dapit, diin narekober sa kapulisan ang mga bala sa wala pa nailhing kalibre.

Base sa inisyal nga imbestigasyon, usa ka sakyanan ang mihunong sa atubangan sa mansyon ug usa ka 30-anyos nga babaye ang giingong nagpabuto sa armas.

Swerte nga walay naangol sa maong insidente, ug gikumpirma nga luwas ang singer kinsa anaa ra sa sulod sa  panimalay sa dihang nahitabo ang pagpamusil.