Gisugyot sa Pangulo sa Brazil nga dapat molihok ang tibuok kalibutan aron mahunong ang iyang gihulagway nga ‘genocide’ sa Israel sa Gaza, samtang nagtipok ang mga lider gikan sa 11 ka nasud nga miyembro sa BRICS sa Rio de Janeiro kaniadtong Domingo.
Lakip usab sa panagtipok ang nasud sa Iran nga giisip nga usa ka kaaway sa Israel, ingun man ang nasud sa Russia nga adunay suod nga relasyon sa Israel.
Gibutyag ni Luiz Inacio Lula da Silva sa atubang sa mga lider nga gikan sa China, India, ug ubang mga nasud, nga dili sila mamahimong dili makilabot sa genocide nga ginahimo sa Israel ngadto sa Gaza, kansa gikaingong walay ginapili nga pagpatay sa mga inosenteng sibilyan, ug paggamit sa kagutom isip hinagiban sa gyera.
Gipahayag ni Lula ang iyang mga komento samtang gibalik nga sugdan ang panaghisgot bahin sa ceasefire sa Doha tali sa Israel ug Hamas, taliwala sa nagkakusog nga panawagan nga tapuson ang 22 ka bulan nga gubat diin nagsugod nga matapos ang pag-atake sa Hamas kaniadtong Oktubre 7, 2023.
Dugang pa ni Lula, nga walay makatarunganon nga hinungdan alang sa mga aksyon sa terorista diin miresulta sa kamatayon sa 1,219 ka mga tao, lakip na ang daghang sibilyang Israeli.
Apan makusganon usab niining gikondena ang mga sunod nga lakang sa Israel, diin iya usab kining gisaway nga sobra ug dili tawhanong buhat.