Gipahibalo sa Foreign Minister sa Indonesia nga ang mga diskusyon mahitungod sa “Board of Peace” ni US President Donald Trump sa Gaza gipahunong una tungod sa nagpadayong gubat sa Middle East.
Matod ni Minister Sugiono, ang tanang pagtagad karon nakapokus sa sitwasyon sa Iran human ang mga pag-atake sa Amerika ug Israel nga nakapatay og daghang sibilyan ug nakapausab sa presyo sa lana sa tibuok kalibutan. Ang Indonesia usa unta sa mga importanteng nasod nga magpadala og mga sundawo alang sa maong kalinaw.
Tungod sa bag-ong gubat, adunay mga panawagan sa Indonesia nga mogawas na sila sa maong board. Ang mga kritiko ug mga pundok sa Muslim sa Indonesia nag-ingon nga ang pag-apil sa board makadaut sa ilang dugay nang suporta sa Palestine.
Bisan pa niini, gipahayag ni Sugiono nga andam si President Prabowo Subianto nga mahimong “mediator” o tigpataliwala sa gubat sa Iran aron pakunhuran ang tensyon sa rehiyon. Sa pagkakaron, nag-andam ang Indonesia og 1,000 ka sundawo nga posibleng ipadala sa Gaza sa sayong bahin sa Abril isip bahin sa usa ka multinational peacekeeping force.