Gipasabot sa Malacañang nga wala’y budget nga gi-apod-apod sa AKAP sa 2026 proposed national budget tungod kay aduna pa kini’y sobra nga pondo gikan sa 2025, diin P13 bilyones pa ang wala magamit gikan sa kinatibukang P26 bilyones nga pondo.
Ang AKAP alang sa mga minimum-wage earners ug giingong gigamit sa pipila ka politiko alang sa politikal nga interes, apan giklaro sa DSWD nga dili kini pork barrel.
Sa laing bahin, giingon sa Malacañang nga legal ug naa sa international laws ang presensiya sa duha ka US warships sa West Philippine Sea, nga namataan duol sa Zambales.
Sumala ni USec. Claire Castro, nagpadayon lang kini sa freedom of navigation operations ug wala magpasabot nga nag-provoke sa China. Gipasalig sa Palasyo nga dili moatras ang Pilipinas sa pagpanalipod sa sovereign rights niini sa WPS.