Gilugwayan ang sesyon sa senado hangtod sa Desiyembre 23, alang sa pagpasar sa sugyot nga 2026 national budget nga nagkantidad og P6.793 trilyon pesos.
Gianunsyo sa plenary sa senado ni Senate majority leader Juan Miguel Zubiri, nga mararatipika ang 2026 budget sa mga mosunod nga semana.
Gihangyo usab nila ang ubang senador nga ipadalin una ang tagsa-tagsa ka personal nga mga plano uban sa ilang pamilya karong umaabot nga kapaskuhan.
Samtang sa pikas bahin, gibutyag ni Senate President Vicente Tito Sotto lll nga kini ang pinakunang higayon sa kasaysayan sa Pilipinas nga ang ratipikahon sa Senado ug Kamara dili summary report kundili ang mismong enrolled copy.
Mao kini ang pinal ug kumpleto nga bersyon sa maong sugyot balaodnon diin andam na usab alang sa pirma sa presidente.
Gipasabot ni Sotto nga kinahanglan ang mas taas nga panahon gumikan ipailawom kini sa hugot nga proseso human sa bicameral conference.