Nag-atubang og kasamok ang umaabot nga selebrasyon ang Araw sa Impasug-ong karong tuiga human masayran nga adunay komplikasyon sa pag-apruba sa budget alang sa maong kalihukan.
Sumala sa taho, ang pondo nga gitagana unta para sa selebrasyon naproblema gumikan sa panagbangi ug kalangan sa proseso sa lokal nga konseho, lakip na ang gibabagan nga pondo sa lebel sa liderato.
Ginatan-aw sa katawhan ang kalambuan niini, diin dako ang posibilidad nga dili madayon ang mga nakahan-ay nga aktibidad alang sa Araw ng Impasug-ong, nga matag tuig gisaulog aron ilhon ang kultura, kasaysayan, ug katawhan sa lungsod.
Apan matud ni Vice Mayor Anthony Uy, wala pa ma-aprubahi ang budget niini, tungod napakyas sa pagtuki sa augmentation sa maong ang may katungdanan, gumikan wala gitugatan sa Mayora sa maong lungsod nga mutambong ang mga opisyales nga giimbetar sa Sangguniang Bayan, diin sa mga buhatan niini pagabirahon ang giingong budget.
Dugang pa sa bise Mayor nga unta gitugutan man lamang sa Mayora ang musipot ang iyang mga kawani aron mahisgutan ang isyu ug matuki ang maong tanyag nga buot mahitabo sa lungsod kabahain sa kalihukan sa Adlaw sa lalawigan.
Sa pagkakaron, naglaum ang katawhan nga masulbad dayon ang isyu aron mapadayon ang selebrasyon nga ginatan-aw isip dakong okasyon sa lokal nga komunidad.
Hingpit usab nga gihimakak ni Vice Mayor Anthony Uy sa lungsod sa Impasug-ong nga wala niini gibabagan ang pondo alang sa pagselebrar sa Araw ng Impasug-ong, apan gisuguro lamang matud pa niini nga sakto ang dagan sa pondo.
Subay sa maong isyu, wala matud pa giaprobahan sa Bise Alkalde ang alokasyon sa budget nga gitumong unta para sa mga kalihukan ug selebrasyon sa maong espesyal nga adlaw gumikan adunay pay utang sa matag opisina.
Gisaysay niini nga sa milabayng tuig nagpahigayon sila og augmentation apan ang gikuha nga budget sa maong kalihukan mao ang savings sa lokal nga kagamhanan sa lungsod. Gipasabot niini nga sobra ra sa pondo ang ilang gigamit.
Gumikan niini, apektado ang plano sa lokal nga goberno sa pagpahigayon sa mga aktibidad nga magpasigarbo sa kasaysayan ug kultura sa Impasug-ong.
Matud sa bise alkalde, gikabalak-an niini ang utang sa lokal kagamhanan diin nakita niini nga walay plano ang mayor sa lungsod nga bayran kini.