Giklaro sa Malacañang nga ang P60–80 bilyon nga pondo gikan sa 2025 National Budget nga dili tugotan nga ipagawas ni Presidente Ferdinand Marcos Jr.
Gikumpirma kini ni Finance Secretary Ralph Recto, nga dili kini subay o nakabase sa Philippine Development Plan.
Gipunting ni Recto nga importante ang pagsunod sa plano aron masiguro nga ang paggasto sa gobyerno nakatutok sa mga prayoridad nga makatabang sa pagpalambo sa nasud.
Matud ni Undersecretary for Communications Claire Castro, dako nga bahin niini nga pondo gigahin alang sa mga proyekto sa imprastraktura sa DPWH nga gihimo nga insertions sa nakalabay nga Kongreso.
Dugang pa ni Usec. Castro nga ang Department of Budget and Management (DBM) ang mutino kon unsaon paggamit niini nga pondo.
Posible nga ibalhin pa kini nga pondo ngadto sa lain nga mga programa ug proyekto sa gobyerno, labi nga dili pa kini pinal ang 2025 National Budget.
Aduna pa’y higayonan nga bag-ohon ang alokasyon sa pondo aron masiguro nga kini makaabot sa mga programa nga dugang gikinahanglan sa katawhan.