Gikatakda na sa Department of Agriculture (DA) ang pag-apod-apod sa P5,000 nga fuel subsidy alang sa mga mag-uuma aron matabangan kini sa pagsaka sa presyo sa lana nga dala sa kagubot sa Middle East.
Sumala ni Agriculture Secretary Francisco Tiu Laurel Jr., kini human makakuha ang ahensya og P50-milyon nga pundo nga gitagana alang sa kapin kun minos 9,570 ka mga mag-uuma nga naggamit og makinarya, base sa datos sa Bureau of Agricultural and Fisheries Engineering (BAFE).
Gipahinumdoman usab nga ang mga narehistro lamang sa Registry System for Basic Sectors in Agriculture (RSBSA) ang makadawat sa maong ayuda.
Samtang gihan-ay na kini alang sa mga mag-uuma, padayon usab ang pagpanghatag sa fuel subsidy alang sa mga mangingisda aron mogaan ang inadlaw-adlaw nga gastuhan