P37M nga pondo alang sa livelihood program, gigahin sa DOLE-Bukidnon

Mokabat sa P37 milyon ang pondo nga gigahin sa Department of Labor and Employment kon DOLE-Bukidnon Provincial Field Office alang sa DOLE Integrated Livelihood Program kon DILP.

Sumala sa pakighinabi sa Bombo Radyo Malaybalay, kang Jesuriz E. Mabaso, DILP focal person.

Mipahayag si Mabaso, nga 15 milyon pesos na lamang ang nabilin sa maong pondo mahitungod sobra sa katunga niini ang nahatag na sa mga benepisyaryo sa nagkalain-laing lugar sa probinsya.

Ang DILP, usa ka programang pangkabuhayan nga gigahin alang sa disadvantaged workers, sama sa mga nawagtangan og trabaho.

Padayon ang paningkamot sa DOLE Bukidnon aron mapalapad pa ang abot sa maong programa ug matabangan ang mas daghang mamumuo nga nanginahanglan og suporta sa panginabuhian.