Pormal nang giuli ni kanhi DPWH Engr. Henry Alcantara ang gikawat nga milyon-milyong kantidad nga kwarta sa Department of Justice (DOJ), ingon nga bahin sa iyang ‘restitution’ may kalabotan sa anomalya sa flood control projects.
Gidala mismo ni Alcantara, uban ang iyang abogado, ang bulto-bultong kwarta sa DOJ, sumala sa kuha sa video sa Bombo Radyo Philippines. Giingon ni Justice Acting Secretary Fredderick Vida nga kabahin kini sa gisaad nga P300 milyon restitution, ug usa sa kondisyon aron mahimong state witness si Alcantara.
Apan, gibilin sa DOJ nga dili pa awtomatiko nga mahimong testigo ang kanhi opisyal tungod lang sa pagsauli sa kwarta. Giplanong kalruhon pa sa bangko ug Bureau of Treasury ang tinuod nga kantidad ug pagkalehitimo sa kwarta.