Gipamub-an sa House of Representatives ang budget sa Office of the Vice President (OVP) para sa 2026 gikan sa ₱889 milyon ngadto sa ₱733 milyon, human wala motunga si Vice President Sara Duterte sa budget deliberations.
Si Rep. Leila de Lima sa Mamamayang Liberal ang nagpasabot sa pagbalik sa 2025 nga level sa budget atol sa ikaduhang pagbasa sa House Bill No. 4058. Sumala ni De Lima, ang kanunay nga paglikay ni Duterte sa pag-atubang sa Kongreso usa ka insulto ug porma sa kawalay pagpanubag.
Gibutyag usab ni De Lima nga ang pondo sa katawhan dili duwaan ug kinahanglan kini gamiton sa hustong paagi. Gisugtan ang amendment ni House Appropriations Chair Mikaela Suansing aron maprotektahan ang interes sa mga personahe sa OVP.
Kahinumduman nga kini na ang ikaduhang tuig nga gipamub-an sa Kongreso ang budget sa OVP sukad mibulag si Duterte sa alyansa ni Presidente Marcos Jr.