Gisiguro ni Ombudsman Jesus Crispin “Boying’ Remulla nga musunod sila sa gi-isyung subpoena sa House of Representative Justice Committee sa iyang opisina, sumala niini nga magcomply ang tanodbayan sa gipagawas nga kamandoan sa komite kalabot sa hearing niini sa impeachment proceedings batok kang Vice President Sara Duterte.
Kahibaloan nga gimandoan sa Kamara si Ombudsman Remulla nga mosalmot sa pagahimuong hearing karung Abril 24 ug ihatag ang statement of Assets and Liabilities and Net Worth sa ika-duhang Presidente.
Apan tubag ni Ombudsman Remulla nga dili kini personal nga motambong niini tungod ang custodian of the SALN ang magdala sa kongreso.
Bisan paman pagsiguro sa Ombudsman nga ilang ihatag ang maong dokumento nga gipangayo sa komite sa katuyoan nga masusi sa hearing sa impeachment.
Gipasabot usab sa Department of Justice (DOJ) nga posible ilisan ang mga piskal o panel of prosecutors nga nagdumala sa mga reklamo gikan sa National Bureau of Investigation (NBI) batok sa Bise Presidente Sara Duterte.
Sumala kang Justice Secretary Fredderick Vida , mahimo kini buhaton subay sa pagpagawas sa resolusyon sa mga kaso.
Gipasabot usab niini, nga ang pag-reassign sa mga prosekutor bahin sa operational requirements aron masiguro nga matapos ang pagproseso sa mga kaso base sa workload sa matag piskal.
Kasamtangan gisusi ang resolusyon sa mga reklamo batok ni VP Sara Duterte, nga naglakip sa Sedition ug Grave Threats.
Ang mga kaso nag-ugat sa mga pamahayag ni VP Duterte diin nagbahad kini kinabuhi nila Presidente Ferdinand “Bongbong” Marcos Jr., First Lady Liza Araneta-Marcos ug kanhing House Speaker Martin Romualdez.