Nagmadaugon ang Oklahoma City Thunder sa Game 7 batok Indiana Pacers, sa iskor nga 100-90, ug opisyal nga gideklarang 2025 NBA Champion. Nangulo sa dula si Shai Gilgeous-Alexander nga nagmugna og 29 puntos, 12 assists, ug lima ka rebounds sulod sa 40 minutos nga duwa.
Nakita ang dakong tyansa sa Thunder ang pagkawala ni Pacers guard Tyrese Haliburton tungod sa injury, ilabi na sa third quarter diin agrisibo sila sa pag iskor nga 34-20 run.
Sa unang quarter sa dula, naangol si Haliburton ug gidala sa locker room sa mga medical staff tungod sa dili pa matino nga injury.
Bisan pa sa pagkawala ni Haliburton, nagpadayon ang Pacers ug nakab-ot pa nila ang 1-point lead sa halftime, 48-47.
Apan pagsugod sa third quarter, wala na nagduwa-duwa ang Thunder. Sa unang lima ka minuto, mimugna kini paspas nga 18-8 run ug rason nga nahatagan og higayon ang Pacers nga makabawi.
Sa pito nga minuto nga naapil si Haliburton sa duwa, nakamugna kini og siyam ka puntos uban sa iyang all-around nga presensya sa pagsugod sa dula.
Mibida usab ang performance sa reserve guard sa Pacers nga si Bennedict Mathurin, nga nakapuntos og 18 puntos ug nakakuha og 12 rebounds.
Upat ka beses nakaabot sa NBA Finals ang OKC Thunder, apan usa ra niini ang ilang nadaog ang 1979 Finals, diin gitawag pa sila kaniadto nga Seattle Supersonics.
Tungod sa ilang kadaugan karon nga tuig, duha nga championship ang nadaug sa prangkisa. Gideklarar sab nga Finals MVP si Gilgeous-Alexander tungod sa iyang impresibong performance gikan sa playoffs hangtod sa ilang championship win.
Matud ni Gilgeous-Alexander, mipahayag kini sa pagpasalamat sa iyang mga kauban sa team, pamilya, ug tanan nga misuporta kaniya.
Sa kasamtangan, wala pa kini opisyal nga anunsyo ang Lugar nga ipahigayon ang victory parade sa Oklahoma City human sa ilang malampusong kampanya karong season.
Gikonsidera usab ang OKC isip pinakabata nga team nga nakasulod sa Finals sukad pa niadtong 1977, human sila namugna kaniadtong 2008 pagkahuman silang balhin gikan sa Seattle SuperSonics.