Nakulong ang usa ka Overseas Filipino Worker (OFW) sa Saudi Arabia human gikasuhan sa iyang amo tungod sa pag live sa social media.
Sa eksklusibong pakighinabi sa Bombo Radyo Malaybalay kay Nicole Bedtao, Bombo International News Correspondent sa Saudi Arabia, nga ang usa ka wala ginganlang Pilipino nga taga Bonoan, Magunindanao mag atubang karon og kaso human nahagip sa live video ang nawong sa iyang amo nga walay suot nga abaya usa ka tradisyonal nga sinina nga gisul ob sa mga babaye sa nasud.
Tungod niini, gi-report siya sa kapulisan sa Saudi ug posibleng makulong kini sulod sa 3 hangtod 4 ka tuig subay sa balaod nga mhugot nga nagdili sa pagpakita sa nawong ug sulod sa balay sa mga residente sa social media.
Dugang pa ni Bedtao human mapriso ang maong OFW dili na kini makabalik og trabaho sa nasud ug ideport balik sa Pilipinas.