NFA gisiguro nga igo ang suplay sa buffer stock sa nasud

Kumpiyansa ang National Food Authority (NFA) nga aduna kini igo nga suplay sa bugas karong ting-ulan.

Matod ni NFA Administrator Larry Lacson, mas daghan karon ang bugas nga misulod sa ilang mga bodega kumpara sa mogawas, hinungdan nga lig-on ang ilang reserba.

Dugang pa niini anaa pa sa 11.5 ka adlaw ang ilang buffer stock, busa wala’y angay kabalak-an.

Gipasiguro usab ni Lacson nga igo ang ilang stock nga masuportahan ang mga programa sa gobyerno sama sa P20 kada kilo nga bugas alang sa mga kabus ug vulnerable nga sektor hangtod sa pagtapos sa termino ni Presidente Ferdinand Marcos Jr. sa tuig 2028.