Nation’s Girl Group BINI, gidumog sa liboan ka fans atol sa send-off event sa Taguig

Gidumog sa kapin 15,000 ka fans ang gihimong send-off event alang sa “Nation’s Girl Group” nga BINI niadtong Sabado sa gabii sa Taguig City.

Ang maong panagtigom nga giulohan og “Signals Detected: Bloom’s Day with BINI” nahimong dalan aron i-anunsiyo sa walo ka miyembro ang bag-ong musika ug ang nagkaduol nga performance sa Coachella.

Sumala sa maong grupo, dako og natabang ang maong suporta sa  kompiyansa sa grupo samtang anaa sa tunga-tunga sa pito ka oras nga inadlaw-adlaw nga practice.

Bisan matud pa sa kakulba alang sa global stage, ang presensya sa 15,804 ka mga attendees mao ang nagsilbing kusog ug dugang kadasig sa grupo sa dili pa kini molarga.