Malipayon ang National Security Council (NSC) sa resolusyon nga gipagawas sa Senado sa Estados Unidos nga nagkondena sa agresibong lihok sa Tsina sa West Philippine Sea ug nagpalig-on sa kasabutan sa Mutual Defense Treaty tali sa Pilipinas ug Amerika.
Matod ni NSC Secretary Eduardo Año, klaro ang mensahe nga dala sa maong resolusyon nga wala nag inusara ang Pilipinas ug andam ang Estados Unidos nga motabang sa pag-atubang sa ilegal nga lihok sa China.
Lakip sa gisuportahan sa resolusyon ang halapad nga joint patrols, mga military training, cyber cooperation ug tabang sa pag upgrade sa depensa sa Pilipinas. Gisupak usab sa resolusyon ang plano sa China nga himuong nature reserve ang Scarborough Shoal nga iligal ilawom sa international law.
Gipangunahan sa NSC nga ang posisyon sa Pilipinas nga magpabiling defensive, apan lig-on ang determinasyon nga barugan ang soberenya ug katungod base sa United Nations Convention on the Law of the Sea (UNCLOS), 2016 Arbitral Award, ug mga kasamtangang balaod.