Wala gi-igsapayan sa actress nga si Nadine Lustre ang mga pagsaway nga iyang nadawatan sa pinakaulahi niini nga ‘daring’ moves alang sa gisudlan niya nga adbokasiya.
Kini human nagbubo ang actress sa taas nga bahin sa iyang lawas nga gipintalan aron ipalig-on ang pagsilbing PETA advocate niini.
Siya miingon nga paagi kini niya aron mas masabtan sa katawhan kung nganong gisuportahan niya ang People for the Ethical Treatment of Animals o PETA.
Kini sa tuyo nga makumbensir ang publiko nga likayan na ang pagkunsumo sa mga karneng gikan sa mga mananap apan ngadto na sa healthy ug leafy vegetables.
Siya miingon nga naanad na siya sa mga pagbash ug pagbiay-biay sa pipila ka mga tawo nga kulang ang kahibalo kung nganong gisudlan na ang pagsilbing VEGAN advocate o pro-organic agri products kaysa kanunay ang pagkonsumo sa mga putahe nga gikan sa mga binuhing kahayupan.
Kini ang rason nga gidani niya ang iyanga fans ug followers sa pagsibing Go Vegan Pilipinas.
Si Nadine kanhi usab giila nga pinaka-sexiest woman sa FHM magazine sa miaging katuigan.