Motorsiklo ug Elf nagbangga sa Quezon, Bukidnon

Usa ka aksidente sa dalan ang nahitabo sa secondary road sa Quemtras, Barangay Butong, Quezon, Bukidnon nga naglambigit sa usa ka motorsiklo ug usa ka Elf nga salakyan.

Base sa inisyal nga imbestigasyon, misulod sa pikas linya ang elf nga nag-overtake, ug didto nabangga ang kaatagbo nga motorsiklo nga walay suga.

Ang drayber sa elf misurender sa kapulisan.

Ang mga biktima gidala dayon sa health center samtang ang tanang sakyanan giimpound sa Quezon MPS alang sa hustong disposisyon.