Misaka na sa 67 ang ihap sa mga kumpirmadong namatay sa kusog nga pagbaha sa Texas.
Matud ni Larry Leitha, Sheriff sa Kerr County sa Texas Hill Country, lakip na usab sa mga namatay ang 21 ka mga bata.
Dugang pa ni Leitha, duna usab 11 ka mga batang babaye ug usa ka camp counselor ang padayon nga gipangita gikan sa usa ka summer camp nga duol sa Guadalupe River, diin mitaas ang lebel sa tubig gumikan sa kusog nga pag-ulan kaniadtong byernes, dunggan sa pagselebrar sa Independence Day sa Estados Unidos.
Dugang pa niini, dunay 18 ka mga tigulang ug upat ka mga bata nga wala pa mailhi sa Kerr County.
Gikaingong dili matud pa niini maistorya kung ang kini nga 22 ka mga tao nalakip sa 59 nga namatay sa nasigutang lalawigan.
Matud sa mga opisyal niadtong Sabado, kapin sa 850 ka tao ang naluwas, lakip na usab ang ubang indibidwal nga misakat nalang sa mga kahoy atol sa kalit nga pagbagyo nga mikusog sa 38 cm nga ulan, gikaingong kapin kon kulang 140 km northwest sa San Antonio.