- Advertisement -
Giakusar sa hilabihan nga krimen ang usa ka residente sa Bukidnon human matud pa kini mipahimulos sa menor de edad nga silingan, nga misangpot sa kasong Qualified Rape nga walay igong pyansa.
Nasikop sa mga otoridad si Eduardo Bantilan Cadampog, 43 anyos, minyo, ug usa ka mag-uuma, sa Purok 1, Sitio Bantayan, Barangay Dagumbaan, Maramag, Bukidnon alas 12:45 sa kaadlawon niadtong Hulyo 7, 2025.
Base sa warrant of arrest sa kasong Qualified Rape nga pinetsahan niadtong Hunyo 18, 2025. Giingong gi-biktima ni Cadampog ang usa ka menor de edad nga nagpuyo ra usab sa maong lugar.
- Advertisement -
Gikustodiya na karon sa Maramag Municipal Police Station ang dinakpan samtang nagpadayon ang pormal nga imbestigasyon ug legal nga proseso batok kaniya.
- Advertisement -