Gipasabot ni Major Patrick Martinez, tagpamaba sa 4th Infantry Division (4ID), nga bisan pa sa gitambungan nga military exercise sa mga yunit sa militar, kontrolado gihapon ang kahimtang sa seguridad sa rehiyon ug dili kini makapekto sa kasamtangang operasyon batok sa mga kalaban sa gobyerno.
Nasayrang nagpadayon karon ang military training tali sa 4ID ug 10th Infantry Division (10ID) gikan sa Davao, kauban ang pipila ka special units,kauban ang kasundaluhan sa Australia isip kabahin sa pagpalig-on sa kapasidad sa kasundalohan sa operasyon ug depensa.
Dugang ni Martinez, nakaplastar na usab ang pipila ka grupo sa mga sundalo aron magbantay sa internal nga seguridad, nga nagpasabot nga andam ug alerto gihapon ang pwersa militar sa bisan unsang hulga. Gipasalig sa 4ID nga dili angay kabalak-an sa publiko ang presensya sa daghang sundalo sa rehiyon, tungod kay gamay nalang ang ginakompronta nga mga kalihukan sa kasamtangan.