Giawhag ni Senate Blue Ribbon Commitee Chairman Sen. Rodante Marcoleta ang mga contractor nga panganlan na lamang ang mga opisyal sa goberno nga nalambigit sa mga palpak nga flood control projects diin gitukod sa nagkadaiyang bahin sa nasud. Kini aron dili bug-at ang kasong atubangon.
Matud sa senador, susammang plunder cases ang girekomendang kaso ang ipahamtang sa matag indibidwal nga may kalabotan sa bilyon-bilyong kantidad sa public impastructures contract diin dili lamang anomaliya sa mga ghost flood control projects ug mga substandard projects.
Kabahin niini, nagtuo ang mga senador nga dili ang mga contractor ang labing sad-an sa maong kalihukan kundili ang mga politiko, kongresista ug mga kawani sa Department of Public Works and Highways (DPWH) nga maoy nakapahimulos sa maong kontrato.
Dugang pa ni Marcoleta nga sanglit buhaton kini sa mga kontraktor, posibleng dili bug-at ang kasong atubangon niini, diin mamahimong musangpot lamang sa civil liabilities.
Subay niini, nagpabiling lig-on ang baruganan ni Senate Blue Ribbon Committee Chair Marcoleta, nga dili statistical anomaly ang pagbulsa sa mga 15 ka mga kontraktor ang mga dagkong pondo nga wala napuslan sa katawhan, apan basehan matud pa kini isip ebidensya sa pagmanipula ug pagtamas-tamas sa procurement process sa kagamahanan.
Gumikan niini, buot susihon sa komite nga matumbok ang mga responsable, masuta ang mga proyekto ug mahatagn og hustisya ang pondo sa katawhan sa nasud.