Mga hostages sa Hamas mahimong buhian na sa Lunes – Trump

Masaligon ang Presidente sa US nga si Donald Trump nga ang mga piniriso sa Hamas buhian sa Lunes o Martes sa sunod semana.

Sa usa ka panagpulong sa gabinete, gipasigarbo ni Trump ang iyang pagpasiugda sa peace deal tali sa Israel ug Hamas.

Isip kabahin sa kalinaw, ang mga binilanggo gikan sa duha ka dapig una nga buhian ug kini ang dalan sa malungtarong kalinaw sa Gaza.

Gilauman nga buhian sa Hamas ang 20 ka buhing mga binilanggo nga ilang gihuptan sulod sa 72 ka oras human magsugod ang ceasefire.

Sulayan usab sa lider sa pag-adto sa Egypt aron sa pagtambong ug pagpirma sa kasabutan tali sa Hamas ug Israel.

Kahinumdoman nga nagkasabot na ang Israel ug Hamas human sa duha ka tuig nga panagbangi.