Nakakita na ba mo og buaya nga kabalo manuktok?
Gikalingawan sa netizens, apan hilabihan ang kahadlok nga gibati sa tag-iya sa usa ka panimalay nga nahimutang sa Florida, USA.
Gumikan sa maong panghitabo, gireport gilayon sa usa ka residente ngadto sa otoridad ang pagpanuktok sa dakong buaya sa gawas sa iyang panimalay sa Florida.
Ang buaya nadiskobrehan human kini manuktok.
Nasayrang ayha pa man ang maong panghitabo, napilo ang ang ulo niini sa usa ka folding chair.
Gipost sa Sheriff sa Lee County ang maong video diin makita ang buaya sa lataran sa usa ka balay sa Tortuga.
Hinoon, miresponde gilayon ang mga otoridad sa maong lugar ug nakuha ang nasaag nga buaya, ug nareskyu sa pagkalukot ang ulo niini sa folding chair.
Nakigtimbayayong ang usa ka trapper sa otoridad aron mahimo ang operasyon nga luwas.