Gi-deklara ni Pangulong Ferdinand Marcos Jr. ang Lunes, Mayo 12, 2025, isip special (Non-Working) Holiday sa tibuok nasud.
Ang pagsuspende sa trabaho gipahigayon aron hatagan og oportunidad ang mga mamumuo sa nasud nga makapili sa mga kandidato sa national ug local elections.
Sumala sa Proclamation 878 nga gipirmahan sa Pangulo, ang pagkahimong holiday niini makatabang sa mga tawo aron makaadto ug makaboto sa maong eleksyon.
Base sa mga guidelines sa Department of Labor and Employment (DOLE), ang mga empleyado nga magtrabaho sa Lunes, Mayo 12, 2025, makadawat og dugang 30 porsyento nga bayad gawas pa sa ilang regular nga sweldo.
Samtang ang mga empleyado nga dili mag-report sa trabaho sa maong adlaw, ang mga employer magpatuman sa “No Work, No Pay” nga polisiya, nga nagpasabot nga walay bayad alang sa mga wala magtrabaho sa adlaw nga itakda nga holiday.
Kini nga deklarasyon naghatag og higayon sa mga tawo nga magamit ang ilang katungod sa pagboto samtang gihatagan usab og giya sa mga employer ug empleyado ang mga angay nga regulasyon sa bayad sa holiday.