Nakakustodiya na sa Impasug-ong Municipal Police Station ang suspek sa pagpanigbas sa usa ka 39 anyos nga lalaki sa Purok 6, Poblacion, Impasugong, Bukidnon kagahapong adlawa takna alas 9:20 sa gabii.
Ang suspek usa ka 36 anyos nga babaye nga mao mismong asawa sa biktima. Sumala sa imbestigasyon sa kapulisan, nagsugod ang tensyon alas 6:30 sa gabii sa dihang niabot ang biktima sa ilang balay.
Nasuko ang bana ug nagpagula og mga hulga batok sa iyang asawa human makita nga wala masulod sa tangkal ang iyang mga manok.
Pag-abot sa alas 9:20 sa gabii, giingong nisuway og pasakit ang bana sa asawa hinungdan nga mikuha ang suspek og bolo gikan sa kusina. Gitigbas sa suspek ang biktima sa ulo ug sa tuo nga abaga.
Daling gidala ang biktima sa Polymedic Hospital sa dakbayan sa Malaybalay aron madapatan ug atensyong samtang narekober sa mga otoridad ang sundang nga gigamit sa krimen. Nasayran nga wala pagsinabtanay ang motibo sa insidente.