Gikondena sa palasyo Malacañang ang pamahayag sa abogado ni kanhi Presidente Rodrigo Duterte nga si Nicholas Kaufman kalabot sa gikaingong pagdaot lamang ni Presidente Ferdinand Marcos Jr. sa pangalan ug legasiya niini.
Sa unang adlaw sa kompirmasyon sa mga kaso sa International Criminal Court kon ICC, nakadawat matud pa si Kaufman og tawag sa telepono nga nanghambog nga mopatungha mga testigo aron pasipad-an ang kanhi Presidente.
Apan matud ni Palace Press Officer Usec. Claire Castro, kini nga pasangil ni Kaufman batok kang Presidente Marcos giisip nga wala’y pulos ug wala’y basehanan.
Dugang pa ni Castro, nga si Kaufman karon ang adunay sakit ug dili ang kliyente nga si Duterte gumikan nakalimot kini nga ang kasong crime against humanity nga gipasaka sa ICC batok kang Duterte kaniadto pang 2017 diin private citizen pa si Marcos.
Sumala usab ni Castro, nga dili klaro nga mahimong defense lawyer si Kaufman tungod ang gikaingong extrajudicial killings nahitabo kaniadtong mayor pa si Duterte sa Davao City.