Gipahibalo nga dili na mokigtambayayong sa imbestigasyon sa Independent Commission for Infrastructure (ICI) ang magtiayong Sarah ug Curlee Discaya.
Gipasabot ni ICI Executive Director Atty. Brian Keith Hosaka sa usa ka pamahayag atol sa press conference kagahapong adlawa Oktubre 15,2025 nga gigamit sa mag-asawa ang ilang katungod nga manghilom batok sa ilang kaugalingon.
Dugang pa sa magtiayon nga dili na sila mopartisipar sa bisan unsang lakang nga buhaton sa komisyon, nga may kalabotan sa mga alegasyon sa korapsyon sa pipila ka proyekto sa imprastruktura.
Tungod niini, posibleng malangan ang pag-uswag sa mga kaso nga gisang-at batok kanila.
Bisan pa niini, magpadayon ang ICI sa ilang imbestigasyon aron makuha ang gikinahanglan nga mga ebidensya gikan sa ubang mga tawo nga nalambigit sa kaso.