- Advertisement -
Gitigbas sa 57-anyos nga lalaki ang 54-anyos nga mag-uuma samtang nagharvest og sayote sa Purok 1, Brgy. Alanib, Lantapan alas 11:40 sa buntag, Pebrero 15, 2026, hinungdan nga nasamdan kini sa bukton ug likod.
Sumala sa Lantapan Municipal Police Station, gisita sa biktima ang suspek nga nagtanggal sa cellophane sa saging tapad sa iyang uma, apan kalit siyang giatake sa likod gamit ang sanggot tungod sa personal nga dumot.
Nadakpan ang suspek sa hot pursuit operation ug nakompiska ang sanggot. Gidala ang biktima sa balay tambalanan samtang anaa na sa kustodiya sa kapulisan ang suspek alang sa hustong disposasyon.
- Advertisement -
- Advertisement -