Nahimong tropical depression ang low pressure area kon LPA nga gimonitor gawas sa Philippine Area of Responsibility kon PAR.
Matud sa PAG-ASA, bisan og wala pa kini sulod sa PAR, gibantayan gihapon ang lihok niini sanglit posibleng makaapekto kini sa kahimtang sa panahon sa umaabot nga mga adlaw.
Base sa datos sa weather bureau, ang tropical depression adunay maximum sustained winds nga 45 kilometers per hour duol sa sentro ug paghuros nga moabot sa 60 kilometers per hour.
Gilaoman usab nga maglihok kini sa kasadpan-amihanang-kasadpan ug posibleng mosulod sa PAR sulod sa usa ngadto sa duha ka adlaw.
Kung makasulod na, hatagan kini og local name subay sa listahan sa mga bagyo karong tuiga.
Gitambagan usab sa mga eksperto ang publiko nga magpadayon nga mututok sa mga opisyal nga mga anunsyo ug dili mutuo gilayon sa mga dili beripikado nga impormasyon.
Dugang pa sa ahensya, nga ang pagporma sa usa ka tropical depression sa gawas sa PAR usa ka timailhan sa sayo nga kalihokan sa bagyo karong tuiga, nga kasagaran gilaoman sa tunga-tunga sa Hunyo.