Gihisgutan karon sa publiko ang hulagway nga gipost sa aktres nga si Loisa Andalio kauban ang iro niini apan makita nga aduna kini suot nga sing-sing sa “ring-finger.
Gitouhan sa mga fans nga posibleng nagpropose na ang longtime boyfriend niini nga si Ronnie Alonte.
Sa maong hulagway nga gipost sa social media wala bisan unsay mensahe o caption nga gibutang ang aktres.
Apan, napukaw ang atensyon sa publiko gumikan gawas sa sing=sing nga suot sa aktres, aduna usab ubay-ubay nga komento gikan sa mga suod nga higala sa duha.Â
Kahinumdoman nga bag-ohay pa lamang nagpasingit ang aktres sa iyang kapikas atol sa usa ka interbyu diin miluwat kini og mga pulong kabahin na sa pagminyo.
Taliwala sa espekulasyon, wala pay pormal nga pamahayag gikan sa duha nga kasamtangang giatangan sa publiko.