Gisugdan na ang paspas nga pagpangandam sa mga booth alang sa gikatakdang selebrasyon, diin gibana-banaang miabot na sa 60 porsyento ang nahuman sa mga konstruksyon.
Sumala kang Oriel U. Samson, presidente sa BAEA Association–Bukidnon, gilauman nga moabot sa 100 hangtod 150 ka booth ang matukod sa tibuok lugar sa maong kalihokan.
Nanawagan usab siya sa mga tag-iya sa booth nga sundon ang saktong protocol sa asosasyon, lakip na ang pag-turn over sa ilang meter base sa opisyal nga lamesa sa BAEA aron masiguro ang husto nga pagbutang sa pangalan ug booth number ug malikayan ang kalisod sa pagdumala sa koneksyon sa kuryente.
Gidugang pa niini nga posibleng nakasinati og hagit sa pinansyal ang pipila ka mga negosyante hinungdan nga aduna pay wala makatukod sa ilang mga pwesto.
Gilauman nga magkapuliki pa ang mga tag-iya sa tindahan sa paghuman sa ilang mga dekorasyon samtang nagkaduol ang opisyal nga pag-abli sa maong kasaulogan karong petsa katorse sa Marso.
Giulaman usab nga matapos ang pagtaod sa mga linya sa kuryrnta sa petsa 17 alang sa pormal nga pagsugod sa selebrasyon nga walay kakulian.