Gipili ni NBA superstar LeBron James nga magpabilin sa Los Angeles Lakers.
Kini human gidawat niini ang $52.6 milyon nga player option alang sa umaabot nga season. Tungod niini, si Lebron ang una nga player sa kasaysayan sa NBA nga makadula og 23 ka seasons karong 2025-26 season.
Matod ni Jeannie Buss, ang tag-iya ug team president sa Lakers nga gusto sa 40-anyos nga si James nga makakuha og laing kampyonato.
Si James nakadula na og 1,562 ka regular season games, ug makadula kini og 50 pa ka duwa nga posiblenqg malabwan niini ang Hall of Famer nga si Robert Parish. Sa 70 ka duwa niadtong 2024-25 season, nagkatala kini og average nga 24.4 puntos, 7.8 rebounds, ug 8.2 assists.
Si Lebron usab ang usa ka 21 ka higayong nahimong All-Star, upat ka higayong nahimong MVP, ug upat ka higayon sab nga gideklarang NBA champion.