Lalaki sa Florida nakigbugno sa usa ka buaya!

Nakigtambayayong sa mga lokal nga otoridad ang usa ka alligator trapper sa Florida aron dakpon ang usa ka dakong buaya nga naa sa tunga-tunga sa highway.

Mipost og video sa social media ang Jacksonville Sheriff’s Office nga diin makita si Mike Dragich, usa ka wildlife trapper nga nailhan sa social media isip “The Blue Collar Brawler,” nga nagpakigbisog sa buaya didto sa tunga-tunga sa Interstate 95/295 sa Southside sa Jacksonville.

Ang mga deputy nakigtambayayong sa Florida Highway Patrol ug sa Florida Fish & Wildlife aron masiguro ang kaluwasan ni Dragich ug sa mga drayber samtang ginadakop ang buaya.

Matod pa sa Jacksonville Sheriff’s Office normal lang kini nga panghitabo sa  maong lugar.