KITAOTAO- BUKIDNON– Patay ang usa ka 42 anyos nga lalaki human kini gidunggab sa Purok 3, Barangay Balocbocan, Kitaotao, Bukidnon kagahapong adlawa pasado alas 9:30 sa buntag.
Sumala sa report sa Kitaotao Municipal Police Station nakadawat sila og tawag gikan sa kagawad sa maong barangay kabahin sa insidente.
Nasuta nga ang biktima naghatag og tubig sa iyang kabayo sa dihang kalit kining gisulong sa usa ka lalaki dala duslak sa kutsilyo sa lawas sa biktima sa makadaghang higayon.
Ang biktima gidala gilayon sa balay tambalanan sa lungsod sa Maramag, Bukidnon Bukidnon apan gidreklara kining dead on arrival.
Kasamtangan, nagpadayon ang kapulisan sa usa ka hot pursuit operation aron dakpon ang suspek samtang andam na ang kasong homicide batok kaniya.