Kris Aquino, nibisita sa Malacañang alang  sa  birthday lunch kauban si  First Lady Liza Araneta-Marcos

Mibisita sa Malacañang ang “Queen of All Media” nga si Kris Aquino  alang sa usa ka belated birthday lunch nga inisyatiba ni First Lady Liza Araneta-Marcos.

Ang maong panagtapok, nga gi-organisar sa fashion designer nga si Michael Leyva, usa ka talagsaon nga pagpakita ni Kris sa publiko samtang padayon kini nga nakigbatok sa iyang mga autoimmune diseases.

Gawas sa panaghigalaay, gibutyag ni Presidente Bongbong Marcos nga ang duha adunay lawom nga koneksyon isip mag-pariente pinaagi sa pamilyang Cojuangco, Sumulong, ug Araneta.

Bisan pa sa komplikadong kasaysayan sa politika sa  mga pamilya niini, gipakita sa duha ang lig-on nga relasyon ug respeto sa usa’g usa.