Nagpasibya ang international pop star nga si Katy Perry nga posibleng adunay romantikong relasyon tali kanila sa kanhi Canadian Prime Minister Justin Trudeau.
Kini human mikaylap sa social media ang mga litrato ug video nga nagpakita nga naghalok ang duha samtang sakay sa usa ka yate.
Sa iyang konsiyerto sa London, nasulti ni Perry ang usa ka pahimakas nga timaan sa pagkumpirma sa isyu, human adunay lalaking audience nga misulay mag-propose kaniya.
Mitubag ang singer nga, “You should’ve done that two days ago,” nga gituohan nga nagpasabot sa iyang espesyal nga higayon uban ni Trudeau.
Nahimong mainiton nga topic ang maong balita human sa ilang panagbuwag sa aktor nga si Orlando Bloom niadtong Hulyo.
Human sa pipila ka bulan, nakit-an si Katy ug Trudeau nga nagkauban nagkaon sa usa ka restaurant sa Canada, ug usab miduyog si Trudeau uban sa iyang anak sa concert ni Perry, nga mas nagpalig-on sa mga espekulasyon sa ilang “special connection.”