Posibleng ikatulong hugna sa protesta nga Trillion Peso March gipangandaman sa kapulisan sa Region 10 tungod sa hulga nga adunay kagubot nga molungtad tungod sa wala pay nanubag sa maong korapsyon.
Sa pakighinabi sa Bombo Radyo Malaybalay, gibutyag ni PMAJ. Joann Navarro, tigpamaba sa Police Regional Office X, nga makasalig ang katawhan sa kapulisan sa seguridad aron mapadayon ang kalinaw ug kahapsay sa rehiyon. Gipasabot niya nga kung molungtad ang ikatulong hugna sa maong rally, sigurado nga magmalinawon kini sa Bukidnon.
Gidugang ni Navarro nga ang kapulisan pagahimoon ang tanang lakang aron pugngan ang bisan unsang hulga sa kalinaw, ug sa tibuok nasud, lakip na sa Bukidnon. Samtang sa nahitabong protesta sa Bukidnon gipadayag pa niini na walay naitalang insidente sa mga nagpadayon nga protesta.
Nagpadayon ang obserbasyon ug koordinasyon sa kapulisan samtang giandam ang seguridad aron masiguro ang malinawon nga pagpadayon sa mga rally sa rehiyon.