Nagpalig-on sa deployment sa kapulisan ang Bukidnon Police Provincial Office aron masiguro ang kalinaw ug kahapsay atol sa umaabot nga dagkong kalihukan sa Bukidnon lakip ang Northern Mindanao Regional Athletic Association Meet 2026, Kaamulan Festival ug Malaybalay City Charter Day.
Sa pakighinabi sa Bombo Radyo Malaybalay Kay PCpt. Sheila Joy P. Jangad, tigpamaba sa Bukidnon Police Provincial Office, ginapinal na ang strategic deployment sa kapulisan ug nangayo usab sila og dugang nga police personnel gikan sa Regional Office aron motabang sa seguridad sa mga kalihukan.
Gibutyag usab nga adunay ipahimutang nga kapulisan sa mga venue ug quarters sa mga delegado sa Northern Mindanao Regional Athletic Association Meet 2026, samtang padayon ang roving ug police visibility sa Bukidnon Provincial Capitol Grounds alang sa Kaamulan Festival.
Gipasiguro sa kapulisan nga ilang tumong ang malikayan ang bisan unsang insidente ug mapadayon ang peace and order sa tibuok Bukidnon atol sa mga selebrasyon.