Kapulisan, gisigurong hapsay ang unang adlaw sa pagbalik eskwela

Gitinguha sa kapulisan ang hapsay nga pagbalik sa klase ugmang adlawa, Hunyo 16 ning tuiga.

Alayon sa balik-eskwela, ang PNP, nagpahigayon og daghang mga lakang aron masiguro ang kaluwasan ug seguridad sa mga estudyante ug komunidad.

Sumala ni PMaj. Joann Navarro, tigpamaba sa PNP Region 10, dunay mga kapulisan nga ideploy sa palibot sa mga tulonghaan, ug sa mga lugar nga daghang tawo aron magpabilin ang presensya ug mapakgang ang mga krimen hilabi na ugmang adlawa.

Dugang pa ni Navarro, nahilakip ang lakang sa pagbutang og mga pulis duol sa mga eskwelahan daplin sa national highway nga gikonsiderang risky zones, aron masiguro ang luwas nga pagskwela ug pag-uli sa mga estudyante ingun man sa mga magtutudlo ug ginikanan.